Qaradağ Sement ASC bu gün yaydığı məlumatında təsdiq edib ki, 2006-cı ilin sentyabr-oktyabr ayları ərzində Azərbaycanın pərakəndə satış bazarında qiymətlər qeyri-məqbul səviyyəyə qalxıb. Bu barədə Trend şirkətə istinadən məlumat verir.
Şirkətin məlumatında aydınlaşdırılıb ki, 2006-cı ildə Qaradağ Sement yerli sement bazarına təxminən 1 300 000 ton sement tədarük edəcək. Bununla belə, 2006-cı il üçün ümumi bazar tələbatı 2 600 000 tondan artıq olacaq. Buna görə, Qaradağ Sement təkcə Azərbaycanın ümumi sement tələbatının yalnız ən çoxu 50%-ni təmin edə bilər.
Ehtiyac duyulan sement həcmlərinin yerdə qalanı (təxminən 600000 ton) Azbentonit, AND, Mineral, Xırdalan, Altay-A və s. kimi digər yerli istehsalçılar tərəfindən və həmçinin, Rusiya və Gürcüstandan idxal olunan sementin hesabına təmin olunur.
Yay aylarından başlayaraq, xüsusilə, Rusiyada sement tələbatının yüksək olması ilə əlaqədar, sement idxalının səviyyəsi kəskin azalıb. Bundan başqa, digər yerli sement istehsalçıları eyni səbəblərə görə klinker almayıb.Faktiki olaraq, 2006-cı ilin avqust ayından başlayaraq, Qaradağ Sement Zavodu Azərbaycanın sement bazarına daima təchiz edən yeganə sement istehsalçısı olub.
Nəticədə, Qaradağ Sement Zavodunun əvvəlki aylar ilə müqayisədə daşınma həcmini artırdığına baxmayaraq, ölkə daxilində tikinti işlərinin yüksək mövsümündə (sentyabr və oktyabr) hədsiz sement qıtlığı yaranıb.
Qaradağ Sement məhsullarının zavoddakı qiymətləri, ƏDI daxil olmaqla, aşağıdakı kimidir:
"Qaradağ SPESIAL" kisələri: 85,55 AZN/ton (və ya 4,28 AZN/kisə)
"Qaradağ OPTIMAL" kisələri : 69,45 AZN/ton (3,47 AZN/kisə)
Qaradağdan Bakı ərazisinə nəqlə görə tarif (nümunə kimi göstərilir, belə ki, məsafədən asılı olaraq, müxtəlif təyinat yerləri üzrə nəqliyyat tarifləri fərqlənir) yuxarıda qeyd olunan məhsulların hər ikisi üçün, ƏDI daxil olmaqla, 5,93 AZN/ton (və ya 0,3 AZN/kisə) təşkil edir.
Buna görə, Qaradağ Sement Zavodunun məhsulları Bakıdakı pərakəndə satış mağazalarına aşağıdakı qiymətlərlə çatdırılır:
"Qaradağ SPESIAL" kisələri: 4,58 AZN/ton
"Qaradağ OPTIMAL" kisələri: 3,77 AZN/ton
Lakin sementin pərakəndə satış bazarında son istehlakçılara faktiki olaraq satılmasına görə pərakəndə ticarət müəssisələri məsuliyyət daşıyır. Ona görə də pərakəndə satış bazarında son istehlakçılar üçün cari qiymətlər mövcud sement qıtlığının hesabına spekulyasiya ilə məşğul olan pərakəndə satış mağazaları tərəfindən təyin olunur.
Qaradağ Sement ASC fevral ayından qiymətləri artırmayıb və ilin sonunadək qiyməti artırmağı planlaşdırmır.
Azərbaycanda yeganə klinker və sement istehsalçısı olan Qaradağ Sement öz məhsullarını daha çox istehlakçıya təklif olunma imkanını fasiləsiz olaraq artırıb - 2003-cü ildə 135 olan məhsullarının sayını hazırda təxminən 700-ə çatdırıb. ASC Azərbaycanın beton zavodlarının əksəriyyətini, həmçinin, tikinti şirkətlərinin çoxunu sementlə təmin edir, qaçqın və məcburi köçkün ailələri üçün yaşayış binalarının, məktəblərin, elektrik stansiyalarının, diaqnostika mərkəzlərinin inşasına həsr olunmuş bütün dövlət layihələrini, çay sahillərinin bərkidilməsi layihələri, infrastruktur (körpülər, aeroportlar) layihələrini dəstəkləyir.
