Koreya şirkətlərinə Azərbaycanda soyuducu, kondisioner və digər məişət texnikasının istehsalı layihələrində iştirak etmək təklif olunub. Trend in xəbər verdiyi kimi, bu barədə Azərbaycanın sənaye və energetika naziri Natiq Əliyev məlumat verib.
Bu yaxınlarda nazirin Koreyaya səfəri zamanı LG, Daewoo və digər şirkətlərin nümayəndələri ilə bu məsələlərlə bağlı görüşlər keçirilib.
N.Əliyevin sözlərinə görə, Koreya şirkətlərinin Azərbaycanın kimya sənayesində iştirak imkanları da müzakirə olunub.
Nazir qeyd edib ki, Azərbaycan və Koreya arasında birgə komissiya fəaliyyət göstərir. Komissiyanın bazasında işçi qrupu yaradılıb. İşçi qrupu əməkdaşlığın bütün istiqamətlərində məsələlərin həlli üzərində işləyəcək.
