Ümumdünya Gömrük Təşkilatının (ÜGT) kontrafakt dərmanların qanunsuz tədavülü üzrə regional seminar 2007-ci il fevralın 8-9-da Bakıda keçiriləcək. Bu barədə Trend ə Azərbaycan Dövlət Gömrük Komitəsinin (DGK) sədri Aydın Əliyev məlumat verib.
Onun sözlərinə görə, seminar Ümumdünya Səhiyyə Təşkilatı, İntellektual mülkiyyət üzrə Ümumdünya Təşkilatı, İNTERPOL və b. yardımı ilə keçiriləcək.
"Hazırda dərman preparatlarının bir sıra böyük dünya istehsalçılarının seminarda iştirakı təsdiq olunub", - deyə A.Əliyev vurğulayıb.
Seminarın sponsorları qismində dünyanın ən böyük əczaçılıq şirkətləri çıxış edəcək.
DGK sədri Aydın Əliyevin başçılığı ilə komitənin nümayəndə heyətinin iştirak etdiyi ÜTT-nin gömrük əməkdaşlığı üzrə şurasının Brüsseldə keçirilmiş toplantısı zamanı tədbirin 2007-ci ilin fevral ayında Azərbaycanda keçirilməsi haqqında qərar qəbul olunub.