Noyabrın 2-də İstanbulda TRACECA nəqliyyat dəhlizi ilə təhlükəli yüklərin daşınması üzrə mütəxəssislərin hazırlanması layihəsi çərçivəsində seminar öz işinə başlayıb. Trend in xəbər verdiyi kimi, Avropa Komissiyasının bu layihənin icrası üzrə elan etdiyi tenderin qalibi NEA (Niderland) və HPTE (Almaniya) şirkətlər alyansı olub. Seminarda Azərbaycandan milli katib, Nəqliyyat Nazirliyi nümayəndələri, dövlət və fərdi daşıyıcılar iştirak edir. Noyabrın 20-də nəqliyyat dəhlizinin iştirakçı ölkələrinin ekspeditor və operatorlarının hazırlanması layihəsi çərçivəsində treninqlərin keçirilməsi gözlənilir. Bu layihə Avropa Komissiyasının elan etdiyi tenderin qalibi Niderlandın NEA şirkəti tərəfindən gerçəkləşdiriləcək. Bu görüş də İstanbulda keçiriləcək.
Ekspeditorların hazırlanması layihəsi 10 ölkəni əhatə edəcək. Türkiyə, Bolqarıstan və Rumıniya layihədə iştirak etməyəcək. Belə ki, həmin ölkələr bu istiqamətdə kifayət qədər inkişaf etmiş xidmətlərə malikdir.
