Azərbaycanın Nəqliyyat Nazirliyi Yaponiya Beynəlxalq Əməkdaşlıq Bankına (JBIC) yeni beynəlxalq ticarət limanının tikintisi layihəsində iştirak etməyi təklif edib. Ölkənin Nazirlər Kabinetindən Trend ə verilən xəbərə görə, bu müzakirə bankın Rusiya və MDb üzrə nümayəndəlik başçısı Keneçiro Xayaşi və JBIC departamentinin direktoru Yeşixiro Kumaqainin daxil olduğu bankın missiyasının Bakıya səfəri zamanı aparılıb.
Hökümət limanın tikintisinin bir neçə variantını gözdən keçirir. Qaradağ rayonunda (Ələt) yeni beynəlxalq ticarət limanının tikintisi nəzərdə tutulub, Zığda isə kiçik quru mal limanı yaradılacaq. Orada ekoloji cəhətdən təmiz yüklərin olduğu gəmilərin boşaldılması üçün 3-4 yanalma körpüsü olacaq.
Limanın tikintisinin maliyyələşdirilməsinə həmçinin Avropa Yenidənqurma və İnkişaf Bankı da maraq göstərir. İqtisadi İnkişaf Nazirliyindən verilən xəbərə görə, AYİB beynəlxalq limanın yerləşəcəyi yeri göstərməklə öz fikrini hazırlamağı planlaşdırır.
