Asiya İnkişaf Bankı Azərbaycan hökuməti ilə yol layihələrinin maliyyələşdirilməsi üzrə yeni Multy Transhe mexanizminin tətbiqi imkanlarını nəzərdən keçirir. AİB-in Bakı nümayəndəliyindən Trend ə verilən məlumata görə, hazırda bankın baş iqtisadçısı Honq Vanqın rəhbərlik etdiyi nəqliyyat missiyası Bakıdadır.
Səfər noyabrın 22-dək davam edəcək. Əvvəlcə səfərin əsas məqsədi bir hissəsinin AİB tərəfindən maliyyələşdiriləcəyi qərbi avtomobil magistralının təkmilləşdirilməsi layihəsi üzrə texniki yardım çərçivəsində işlərin yerinə yetirilməsi prosesi ilə tanışlıqdan ibarət olub.
Layihə Masallı-Astara yolunun bir hissəsinin inşasını və Astarada sərhəd infrastrukturunun imkanlarının yaxşılaşdırılmasını nəzərdə tutur. AİB 2007-ci ilin I rübündə bu layihəyə $100 mln. kreditin ayrılmasını təqdir etməyi planlaşdırırdı.
Bununla yanaşı, bank missiyası yeni mexanizm çərçivəsində əlavə yolların maliyyələşdirilməsi imkanlarını öyrənir. Bununla əlaqədar ölkənin Nəqliyyat Nazirliyi də daxil olmaqla, müvafiq idarə və nazirliklərdə görüşlər keçirilir.
