Azərbaycan Dövlət Gömrük Komitəsində Asiya İnkişaf Bankının nümayəndə heyəti ilə görüş keçirilib. Trend in DGK-ya istinadən xəbər verdiyi kimi, AİB-in yol sektoru layihələrinin rəhbəri Qonq Vanqın başçılıq etdiyi nümayəndə heyətini komitə sədrinin müavini Səfər Mehdiyev qəbul edib.
Görüşdə AİB Tovuzda gömrük məntəqəsinin tikintisini maliyyələşdirməyə hazır olduğunu bildirib. Öz növbəsində, S.Mehdiyev vurğulayıb ki, komitə də bu layihənin gerçəkləşdirilməsində yardım göstərməyə hazırdır.
Tərəflər AİB və DGK arasında əməkdaşlığın yaxın perspektivlərini müzakirə edib, müxtəlif sahələrdə əlaqələrin genişləndirilməsinə dair fikir mübadiləsi aparıb.
