...

JAYKA təcili yardımın təchizatı üçün Azərbaycana qrant verməyə hazırdır

Biznes və iqtisadiyyat xəbərləri Materials 23 Noyabr 2006 13:05 (UTC +04:00)

2007-ci ildə Yaponiya Beynəlxalq Əməkdaşlıq Agentliyi (JAYKA) Azərbaycanda təcili yardım məntəqələrinin müasir avadanlıqlarla təchiz olunması layihəsini reallaşdırmağa başlayacaq. Baş nazirin müavini Abid Şərifovun Trend ə verdiyi xəbərə görə, layihənin maliyyələşdirilməsi Yaponiyanın 4-5 mln. ABŞ dolları həcmində qrantı hesabına həyata keçiriləcək. Yaponiya tərəfi ölkədə təcili yardım məntəqələrinin vəziyyətini, onların yeni avadanlıqla təchiz olunmasının zəruri olduğunu öyrənib. Bu məqsədlə noyabrın 22-dək Yaponiyanın JAYKA agentliyinin missiyası Azərbaycanda olub.

Layihənin təşəbbüskarı Azərbaycan hökümətidir və bununla əlaqədar o, təcili yardımın lazımi texnika və avadanlıqla təmin olunması üçün qrantın verilməsi ilə bağlı JAYKA-ya müraciət edib. Bununla bağlı yardımın həcminin qiymətləndirilməsi üçün agentlik öz ekspertlərini göndərib, onların arasında təcili yardım mütəxəssisləri də olub. Onlar bütün təcili yardım poliklinikalarının vəziyyəti ilə tanış olublar.

Hökümət JAYKA-nın ölkələrə iki ildə bir dəfə verilən əsas qrantını alacağına ümid edir. Bu texniki yardımın məbləği 5 mln. ABŞ dollarına qədərdir. A.Şərifovun bəyanatından görünür ki, agentlik ölkəyə növbəti əsas qrantı verməyə razı olub. Ölkə belə yardımı artıq doğum evlərinin lazımi avadanlıqla təchiz olunması üçün, Meliorasiya və su təsərrüfatı üzrə Dövlət komitəsi (indi Kənd Təsərrüfatı Nazirliyi yanında səhmdar cəmiyyət adlanır), "Azəravtoyol" Dövlət şirkəti (indi "Avtonəqliyyatservis") üçün alıb.

Xəbər lenti

Xəbər lenti