Strasburqda Azərbaycanın "Toplaşmaq azadlığı haqqında" qanununun müzakirəsi davam edir, müzakirələr sabah yekunlaşacaq. Bu barədə Trend ə Venesiya komissiyası katibliyinin nümayəndəsi Tatyana Mışelova məlumat verib.
O qeyd edib ki, görüşdə Venesiya komissiyasının üzvü Boqdan Auresku (Bogdan AURESCU), Venesiya komissiyasının vitse-prezidenti Finola Flanaqan (Finola FLANAGAN) iştirak edir. Azərbaycanı görüşdə Azərbaycan Prezidenti İcra Aparatının nümayəndələri Çingiz Əsgərov, Fuad Ələsgərov və Şahin Əliyev təmsil edir. Danışıqlarda həmçinin ATƏT-in Bakı ofisinin nümayəndəsi Andreas Buşç (Andreas BUSCH) da iştirak edir.
Xatırladaq ki, Azərbaycan hökumətinin müraciətindən sonra Venesiya komissiyası Azərbaycanın 1998-ci ildə qəbul olunmuş "Toplaşmaq azadlığı haqqında" qanununu öyrənib və bu qanunla bağlı öz rəyini yeniləşdirib.