Azərbaycan ixracat və investisiyaların təşviqi fondunun (AZPROMO) Himəyadarlar Şurasının növbəti iclası 2007-ci il yanvarın 10-na planlaşdırılıb. Bu barədə Trend ə "AZPROMO"nun prezidenti Emil Məcidov məlumat verib. İclasın tarixi himayədarların xahişi ilə dəyişdirilib, əvvəlki iclas 21 dekabra planlaşdırılmışdı.
İclasda müzakirə olunacaq məsələlərdən biri Şuraya yeni üzvlərin qəbul olunması ilə bağlı olacaq. E.Məcidovun sözlərinə görə, bu günə qədər 16 şirkət və holdinq tərəfindən ərizə daxil olub. Himəyadarlar Şurasının 74 üzvü var ki, bunların 50-si şirkət və holdinqləri təmsil edir.
İclasda həmçinin 2007-ci il üçün fəaliyyət planının və texniki yardımla əlaqədar "TACİS" proqramının nəticələrinin müzakirəsi gözlənilir.
