Azərbaycan Dövlət Neft Fondu və ABŞ-ın ticarət və inkişaf agentliyi (USTDA) fondun institusional inkişafı layihəsinin ikinci fazası üzrə müqavilənin son variantı ilə bağlı razılaşmanı yekunlaşdırıblar.
ARDNF icraçı direktoru Şahmar Mövsümovun Trend ə verdiyi xəbərə görə, həmin müqavilənin imzalanması 2007-ci ilin yanvarında gözlənilir.
O qeyd edib: "İkinci faza çərçivəsində ARDNF-in texnoloji təchizatı sahəsində fonda daha geniş şəkildə yardım göstərilməsi nəzərdə tutulur".
Birinci faza çərçivəsində Amerikanın "Overture Managed Solutions" şirkəti artıq məsləhət xidmətlərinin göstərilməsini başa çatdırıb. Hazırda qrantın həcmi dəqiqləşdirilir, birinci mərhələ çərçivəsində TDA texniki yardımı isə 1,091 mln. dollar təşkil edirdi.
Xarici menecerlərin seçilməsi göstəricilərinin tərtibi, onların və təkliflərin qiymətləndirilməsi məsələsi layihənin ikinci fazasının predmetini təşkil edəcək. Yalnız bundan sonra 2007-ci ildə Neft Fondu üçün yeni menecerlərin seçiminə başlanılacaq.