"Azərbaycan investisiya şirkəti" SC 2006-cı ildəki fəaliyyəti haqqında hesabatı Müşahidə Şurasına təqdim edib.
AİŞ-in icrası direktoru Anar Axundovun Trend ə verdiyi xəbərə görə, həmçinin qiymətləndirmənin son mərhələsində olan üç layihə də şuraya təqdim edilib. Müşahidə Şurası investisiya şirkətinin bu layihələrə daxil edilməsini təqdir etməlidir.
A.Axundovun sözlərinə görə, iki layihə üzrə (Bakıda süd emalı üzrə yeni zavodun tikintisinin və Göyçayda süd zavodunun yenidən qurulmasının maliyyələşdirilməsi üzrə Milk PRO ilə və eləcə də Azərbaycanda yeni sement zavodunun tikintisi üzrə Fransanın Lafarge şirkəti ilə) artıq müqavilələr imzalanıb.
AİŞ-in Qaradağ Sementin sement zavodunun yenidən qurulması üzrə yeni layihəsində iştirakını nəzərdə tutan üçüncü layihə üzrə müqavilənin 2007-ci ilin əvvəlində imzalanacağı gözlənilir. A.Axundov qeyd edib ki, hazırda Qaradağ Sementin səhmdarı olan AYİB-lə son məsləhətləşmələr aparılır.
Müqavilələr AİŞ-in layihələrin maliyyələşdirilməsində iştirak etmək niyyətini təsdiq edir ki, bu da birinci mərhələdir. İkinci mərhələdə investisiya qərarları qəbul olunacaq və sazişlər imzalanacaq, bunun üçün isə investisiya şirkətinə auditor hesabları və qiymətləndirmənin nəticələri təqdim olunmalıdır.
A.Axundovun sözlərinə görə, 2006-cı ilin sonunadək başqa qərarların qəbul olunacağı gözlənilmir.
Digər qiymətləndirilən layihələr üzrə müqavilələr artıq gələn il imzalana bilər.
