2007-ci ilin birinci yarısında "Azəraliminium" Sumqayıt səhmdar cəmiyyətində ikinci istehsalat korpusunun istismara verilməsi nəzərdə tutulub.
Cümə günü Azərbaycan Dövlət əmlakının idarə edilməsi üzrə Dövlət Komitəsindən Trend ə verilən xəbərə görə, nəticədə Sumqayıt zavodunun istehsalat gücü 30 min tondan 60 min tona qədər artırılacaq.
Bunun üçün 27,5 milyon ABŞ dolları sərmayə qoyulacaq. Hazırda zavodda 861 nəfər işləyir, lakin yeni sexlərin açılması ilə əlavə 500 iş yeri yaradılacaq.
Hazırda "Azəraliminium"da alunitdən giltorpağın əldə olunması üçün texnologiyaların tətbiq edilməsi üzərində iş gedir. Bu, dünya təcrübəsində ilk dəfə olacaq və ətraf mühitə təsir göstərməyəcək. İndiyədək giltorpağın istehsalı üçün xaricdən boksitlər alınırdı. Azərbaycanda ildə təxminən 80 milyon ton alunit filizinin əldə olunması üçün imkan var. Azərbaycanda layihə tətbiq olunduğu halda, alunit yataqlarına malik digər ölkələr (ABŞ, Rusiya, İran, Çin) Azərbaycanda patent ala bilərlər. Bu texnologiyanın alınmasının əsas məqsədi yerli xammaldan istifadədir, bu isə məhsulun maya dəyərini aşağı salmağa və yeni iş yerlərinin açılmasına imkan yaradacaq.
Azərbaycan höküməti Hollandiyanın Fondel Metall şirkəti ilə "Azəraliminium"un uzunmüddətli idarəsi haqqında müqaviləni pozduqdan sonra müəssisənin mütəxəssisləri istehsalat həcmini artırmaq, texnoloji prosesi təmin etmək və SC vəsaitləri hesabına fasiləsiz işləmək üçün kompleksi tədbirlərə başlayıblar. Artıq Gəncədə 100 min ton aliminium gücə malik yeni aliminum zavodunun tikinti layihəsi hazırlanıb. Zavodun "Azəraliminium"un şəxsi vəsaitləri hesabına tikintisi nəzərdə tutulub. Artıq reallaşdırılmağa başlayan yeni zavodda müasir avadanlıq və texnologiyalar tətbiq olunub.
