Fevralın 14-dən Yaxın Şərq və Orta Asiya ölkələri ilə iş üzrə Departamentin direktor müavini Vitali Kramarenkonun başçılıq etdiyi Beynəlxalq valyuta fondunun (BVF) geniş missiyasının Bakıya səfəri başlayır.
BVF-in Bakı nümayəndəliyindən Trend ə verilən xəbərə görə, missiyanın tərkibinə həmçinin Valyuta fondunda Azərbaycan üzrə icraçı direktor Tomas Moser, Yaxın Şərq və Orta Asiya üzrə Departamentin direktor müavini Lorenso Peres, aparıcı iqtisadçı Maira Zermeno və bir sıra iqtisadçılar daxil olacaq.
Səfərin əsas məqsədi 2006-cı ilin yekununa görə ölkənin fəaliyyətinin makroiqtisadi nəticələrinin, 2007-ci ildə və orta müddətli dövrdə inkişaf perspektivləri, eləcə də hökumətin iqtisadi siyasətinin müzakirəsindən ibarətdir. Bu səfər "BVF haqqında" Sazişin IV maddəsinə görə icmal çərçivəsində baş tutacaq ki, bu da fond tərəfindən hər il keçirilir.
Bununla yanaşı, Azərbaycanın Tarif Şurasının kommunal xidmətlərin tariflərinin və enerji daşıyıcılarının qiymətinin qaldırılmasına dair qərarı da müzakirənin mühüm mövzularından olacaq.
İstehlak qiymətlərinin artımına yol verməmək üçün missiya bu artımın təsiri ilə bağlı bütün məsələlərə toxunacaq, eləcə də hökumətin gördüyü tədbirlərlə tanış olacaq.
Bundan əlavə, sonrakı əməkdaşlıq proqramının Azərbaycan hökuməti ilə baxılması ehtimalı da istisna olunmur. "Doğrudur, ölkənin Valyuta fondunun kreditləri ilə dəstəklənməsi artıq gündəlikdə deyil, çünki Azərbaycanın belə güclü ödəniş balansı var",- deyə BVF nümayəndəliyinin başçısı Bazel Zavoyko hesab edir.
Bununla yanaşı, BVF Stand-by preventiv proqramı çərçivəsində bir variantı nəzərdən keçirir. Hökumət kreditlərin ayrılması ilə icmalların müşayiət edilməsindən imtina edib və hazırda BVF -lə əməkdaşlıq məsləhətləşmələr çərçivəsində qurulur və bu, həm də proqramlar əsasında həyata keçirilə bilər.
Səfər fevralın 28-də başa çatacaq.
