Beynəlxalq Valyuta Fondunun (BVF) Yaxın Şərq və Orta Asiya ölkələri ilə iş üzrə departamentinin direktor müavini Vitali Kramerenkonun rəhbərliyi altında missiyası Statistika Komitəsinin 2007-ci il yanvar ayı üçün istehlak qiymətlərinin indeksinin statistikası ilə tanış olub.
Dövlət Komitəsindən Trend ə verilən məlumata əsasən, görüşün əsas məqsədi inflyasiya hesablanmasında qiymətlərin bu yaxınlarda artımı hesabının aydınlaşdırılması olub.
"Onlar əmin oldular ki, qiymətlərin artımı nəzərə alınıb. Lakin bununla yanaşı, BVF-nin metodologiyasına uyğun olaraq istehlak qiymətinin indeksinin hesablanması proqramı ilə də tanış olub. Fondun ekspertləri lazımi informasiyanı əldə etdilər. Onların iddialarının olmasına baxmayaraq, lazım olduqda müraciət etməyə söz veriblər", - deyə komitədən bildirilib.
Missiyanın rəhbəri Vitali Kramarenkonun Dövlət Statistika Komitəsinin rəhbəri Arif Vəliyevlə görüşü isə fevralın 21-nə təyin olunub.
Fevralın 14-də başlamış missiyanın səfərinin məqsədi "BVF haqqında" razılığın IV maddəsinə əsasən xülasənin aparılmasıdır.
Əsas müzakirə mövzularından biri kommunal xidmətləri və enerji daşıyıcılarının qiymətlərinin artırılması ilə bağlı Azərbaycanın Tarif Şurasının 8 yanvar 2007-ci il tarixli qərarı olacaq. Missiya bu qiymət artımı ilə bağlı yaranmış bütün məsələlərə toxunmaq niyyətindədəir.