Azərbaycan,Bakı/müxbir Trend İ.Xəlilova/"Azərbaycan İnvestisiya Şirkəti" (AİŞ) SC Azərbaycanda insulin istehsal edən zavodun tikintisində maraqlı olan xarici şirkətlərin səfərini gözləyir. Bu barədə şirkətin icraçı direktoru Anar Axundov məlumat verib.
"İlkin olaraq biz, dünya lideri olan Danimarkanın "Novo-Nordisk" şirkəti ilə danışıqlar aparmışıq, lakin vaxt və effektlikdə uduzmamaq üçün biz başqa operatorla da danışıqlara başlamışıq", deyə A.Axundov qeyd edib.
Onun sözlərinə görə, onlardan bəziləri artıq AİŞ-ə müraciət edib və yaxın zamanlarda təkliflərini təqdim etmək üçün gələcəklər. İnvestisiya şirkəti iki-üç şirkətə müraciət edib, lakin artıq bir ingilis şirkətindən ilkin razılaşma əldə olunub. Lakin A.Axundovun fikrinə görə, onlar özləri layihənin effektliyini qiymətləndirməlidir.
Bununla yanaşı, AİŞ iki əsas şərt irəli sürüb - ixrac edən insulin zavodunun tikintisi, yeni müəssisə regional xarakter daşımalı və dünyada ən yüksək keyfiyyətli insulinin istehsalını təmin etməlidir.
"Dünyada iki texnologiya mövcuddur, biz insulin zavodunun ən müasir texnologiyanın tətbiq edilməsi şərti ilə kapital qoya bilərik", deyə A.Axundov bildirib.
Bununla əlaqədər AİŞ minoritar səhmdar kimi çıxış etmək niyyətindədir, cəlb olunan şirkət əsas səhmdar olacaq. Yaxın zamanlarda layihənin qiymətləndirilməsi üçün onların səfəri gözlənilir.
Dövlət səviyyəsində insulin defisiti probleminin həll edilməsi zəruriliyi son dövrlərdə respublikada bu tibb preparatına olan tələbatın artması ilə əlaqədardır. Layihənin reallaşdırılması yüksək keyfiyyətli daxili istehsalat hesabına insulinə olan tələbatı ödəməyə imkan verəcək, həmçinin bu tibb preparatının ixracı üçün imkan yaradacaq.
Layihə təqribən 12 milyon dollar məbləğində qiymətləndirilir.