Azərbaycan,Bakı/müxbir Trend S.Əliyev/Bu gün Bakıya Beynəlxalq Standartlaşdırma Təşkilatının baş katibi Alan Brayder gəlib. Təşkilat rəhbəri Azərbaycanda standartlaşdırma vəziyyəti və bu sahədə olan problemlərlə tanış olacaq, həmçinin münasibətlərin inkişaf perspektivlərini müzakirə edəcək.
Səfər çərçivəsində A.Brayder Azərbaycanın baş naziri, sənaye və energetika, iqtisadi inkişaf, müdafiə sənayesi nazirləri və xarici işlər nazirinin müavini ilə görüşəcək.
Həmçinin sahibkar subyektləri, səfirlik, donor təşkilatları və dövlət orqanlarının nümayəndələri ilə görüş də keçiriləcək.