Azərbaycan,Bakı/müxbir Trend Ü.İsmayılova /AZER REI indeksinə əsasən fevral ayında Bakının ikinci əmlak bazarında qiymət artımı müşahidə olunub və 0,4 faiz təşkil edib. Fevral ayında kvadrat metrə orta qiymət 1157$ təşkil edib, bu da yanvar ayından 3,6 faiz çoxdur. Bu barədə şənbə günü "Daşınmaz Əmlak Bazarı İştirakçıları" ictimai birliyindən məlumat verilib.
Fevralda mənzilin təkrar bazarında təkliflər paketi 62 min dollardan 75 min dollara qədər olan mənzillərin payına düşüb, bu da ümumi təklif paketinin 28,7 faizini təşkil edib.
Hər satılan otağın orta qiyməti fevral ayında 31525$, satılan mənzilin orta qiyməti 101136$ təşkil edib.