Azərbaycan, Bakı/ Trend müxbir İ.Xəlilova/ 2007-10-cu illərdə Azərbaycan Dövlət Dəmir Yolu (ADDY) ölkənin dəmir yolu infrastrukturunun müasirləşdirilməsi üçün öz vəsaitləri hesabına 30 mln. dollar ayırmağı planlaşdırır. Bu barədə cümə axşamı Nəqliyyat Nazirliyindən məlumat verilib. ADDY-nin imkanları hazırkı dəmir yolu tariflərinə görə məhduddur. Buna görə də daha böyük yatırımlara ümid olmaq olmaz.
"TRACECA nəqliyyat dəhlizi istiqamətində tariflər təqribən iki dəfə dəyişdirilərsə, ADDY-nin imkanları daha da genişlənə bilər. Lakin nəqliyyat dəhlizinin iştirakçısı olan dövlətlərlə olan razılaşmaya əsasən, bunu etmək mümkün deyil. Əks halda bu, yük axını həcmində özünü göstərəcək", - deyə Nazirlikdə hesab edirlər.
Nəqliyyat Nazirliyi nümayəndələrinin fikrincə, bu günkü əsas tapşırıq dəhlizin cəlbediciliyinin artırılmasıdır, buna görə də hər hansı bir ehtiyatsız hərəkət təhlükəli ola bilər.