Azərbaycan, Bakı /müx. Trend . Ü.İsmayılova/ "ERA-TRANS" sığorta şirkəti agent sektorunun təkmilləşdirilməsi ilə məşğuldur. Bu barədə bazar ertəsi günü şirkətin direktor müavini İsmayıl Məhərrəmov məlumat verib.
Onun sözlərinə görə, şirkət Lənkəran, Ağsu, Göyçay və Yevlaxda agent sektorunu tətbiq edir.
"Əgər biz agentlərdən istədiyimiz nəticəni ala bilsək, istisna deyil ki, həmin rayonlarda filiallar açılsın" - deyə o bildirib.
Məhərrəmov qeyd edib ki, dinamik templərlə inkişaf edən Azərbaycanın sığorta bazarında agent sektorunun inkişafı kampaniyanın kütləvi tətbiqi üçün böyük təkan verəcək.
1994-cu ildən fəaliyyət göstərən "ERA-TRANS"ın yanvarın 1-i üçün nizamnamə kapitalı 707 min manat təşkil edib. Şirkət 24 könüllü və 4 məcburi sığorta xidməti təklif edir.