Azərbaycan, Bakı/ Trend müxbir İ.Xəlilova/ "Azerikard" prosessinq mərkəzi iyun ayında üçillik istifadə müddəti birmiş pensiya kartlarının yenilənməsini başa çatdırmağı planlaşdırır. Bu barədə prossesiknq mərkəzindən məlumat veriblər. Bu gün pensiyaçıların 98-99 faizi öz pensiaya təminatlarını bank kartları vasitəsilə alır. 950 min pensiyaçıya kart təqdim olunub.
Bu kartların yenidən buraxılışı mart ayından başlayıb. Ay ərzində təqribən 5-6 min kart buraxılır. Əsas həcm (20 min) iyun ayına düşür. Hazırda buraxılan kartların istifadə müddəti 5 ildir, amma mərkəzdə hesab edirlər ki, pensiyaçılar üçün kartdan istifadəyə 10 il də bəs edir. Bu onunla əlaqədardır ki, pensiyaçılar fəal kart istifadəçisi deyil və yalnız ayda bir dəfə pul götürərkən bu kartlardan istifadə edirlər.
Ötən ildən etibarən Əhalinin Sosial Müdafiəsi Dövlət Fondu ölkənin ucqar regionlarında pensiya ödəmələrinin avtomatlaşdırılması istiqamətində işləri gücləndirib. Dövlət Fondunun müvəkkil bankları qismində Beynəlxalq Bank və Kapitalbank çıxış edir.
Artıq dördüncü ildir ki, pensiya layihəsi Visa International beynəlxalq ödəmə sisteminin iştirakı ilə həyata keçirilir.
