Azərbaycan, Bakı/ Trend müxbir İ.Xəlilova/ Beynəlxalq Valyuta Fondu (BVF) mayın 21-25-də Bakıda regional bank konfransı təşkil edir. Bu barədə fondun Bakı ofisindən məlumat verilib.
Konfrans ödəmə balansı üzrə yığım məlumatlarına həsr olunacq. Tədbirdə Azərbaycanla yanaşı Mərkəzi Asiya banklarının nümayəndələri də iştirak edəcək. BVF artıq bu istiqamətdə Azərbaycan Milli Bankına yardım edir. Fondun Statistika Departamentinin daimi məsləhətçisi Nataliya İvançuk ötən ildən AMB-yə ezam olunub. Məsləhətləşmə bir il üçün hesablanıb və xarici siayasət, ödəmə balansının statistikası istiqamətində xidmətlər göstərilir.
Konfrans BVF-in İsveçrənin iqtisadi əlaqələr üzrə Dövlət Katibliyinin maliyyələşdirdiyi Azərbaycan, Qırğızıstan və Özbəkistanda maliyyə bazarının resurslarının inkişafı üzrə regional layihəsi çərçivəsində təşkil olunacaq.
