Azərbaycan, Bakı /müxbir Trend İ.Xəlilova/ Azərbaycanın Nəqliyyat Nazirliyi Hacıqabuldan Gürcüstan sərhədinə qədər olan ikizolaqlı yolun dördzolaqlı yoladək genişləndirilməsi layihəsi çərçivəsində Fransanın "BNP Paribas" bankı ilə kredit sazişi layihəsi üzrə şərtlərin razılaşdırmasını başa çatdırır. Bu barədə çərşənbə günü nazirlikdən məlumat verilib. Sazişin texniki aspektləri üzrə işlər başa çatıb, lakin maliyyə şərtləri üzrə Maliyyə Nazirliyi ilə müzakirələr davam etdirilir.
Ölkə iqtisadiyyatında son nailiyyətləri nəzərə alaraq Maliyyə Nazirliyi bankdan kredit şərtlərini, o cümlədən faiz qoyuluşunu sadələşdirməyi xahiş edir. "BNP Paribas" 400 mln dollar krediti 4-5 il güzəşt dövrü olmaqla 20 il müddətinə və libor+0,75 faiz qoyuluşu şərtilə təqdim edir. Maliyyə Nazirliyi krediti "libor"suz ayırmağı xahiş edib və bu da 0,75 faiz deməkdir.
"BNP Paribas"ın vəsaitləri Qazaxdan 184,8 km və Gürcüstan sərhədinə qədər 38 km uzunluqda olan Hacıqabuldan Yevlaxa qədər yol hissələrinin maliyyələşdirilməsinə istiqamətləndiriləcək.
Nəqliyyat Nazirliyi "TACİS"in texniki yardımı çərçivəsində hazırlanmış texniki sənədləşdirmə əsasında texniki-iqtisadi əsaslandırmanı hazırlayıb başa çatdırıb. Hacıqabula qədər öncədən dördzolaqlı yol çəkilib, buna görə də magistralın yerdə qalan hissəsinin ona uyğun vəziyyətə gətirilməsi planlaşdırılır.
