Azərbaycan, Naxçıvan / Trend müxbir İ.Nəsib/ Naxçıvan Muxtar Respublikasında ilk dəfə olaraq bu gün dördulduzlu mehmanxana istifadəyə verilib. "Naqşicahan Holdinq LTD" şirkətlər qrupuna daxil olan 13 mərtəbəli "TƏBRİZ" mehmanxanası əsaslı təmirdən sonra 181 yerlik 95 otaqdan ibarətdir. Otaqlardan 50-si lüks, 45-i yarım lüksdür. Binanın 12-ci mətəbəsində xüsusi əhəmiyyətli qonaqlar üçün kral dairə də var. Mehmanxanada 550 nəfərlik böyük zal, 100 nəfərlik kiçik zal, 250 nəfərlik akt zalı xidmət göstərəcək.
Mehmanxana ilk dəfə olaraq 1982-ci ildə Heydər Əliyevin təşəbbüsü ilə inşa edilib.
Naxçıvan MR ərazisi 5,5 min kvadrat kilometrdir. Ölkə ərazisinin 6,4%-ni təşkil edir. 7 inzibati rayona (Babək, Şərur, Ordubad, Sədərək, Şahbuz, Culfa və Kəngərli ) bölünüb. Əhalisi 380,2 min nəfər, paytaxtı Naxçıvan şəhəridir.
