Azərbaycan, Bakı/ Trend müxbir İ.X / Azərbaycan Sahibkarlarının Milli Konfederasiyası (ASMK) ölkənin Ümumdünya Ticarət Təşkilatına qəbul olunmasını iş adamları üçün çox mühim bir hal hesab edir. Bunu ASMK rəhbəri Ələkbər Məmmədov bildirib.
Hazırda Azərbaycanın gömrük tarifləri 0,5-15 faiz civarında müəyyənləşdirilib. ÜTT tarif siyasətinin liberallaşdırılmasını və maksimum gömrük rüsumunun 10 faizə qədər azaldılmasını tələb edir.
Məmmədovun fikrincə, yerli istehsalçıları qorumaq üçün ayrı-ayrı məhsul və xidmət növləri üzrə baun-tarifləri 15 faiz gömrük rüsumundan 30-40 faizə qədər artırıla bilər.
"ÜTT-yə daxil olmaq Azərbaycanın iş adamları üçün çox mühümdir, belə ki, ilk növbədə onların fəaliyyətinə qanunvericiliyin müasir olmaması mane olur",-deyə ASMK sədri bildirib.
Hakimiyyət ÜTT-nin tələblərinə uyğun olaraq 2007-08-ci illərdə milli qanunvericiliyin unifikasiyasını plıanlaşdırır. Bununla belə, 40 normativ akt yenidən işləniləcək. Məmmədovun sözlərinə görə, bü gün mühüm olan məsələlərdən biri Azərbaycan mallarının beynəlxalq bazara çıxmasnda ixrac-idxal əməliyyatlarının şəffaflığının təmin olunmasıdır.
"ÜTT-yə daxil olmaqla biz yeni ixrac bazarları, yerli bazarda yeni texnologiya və nou-hau tətbiqi əldə edəcəyik",-deyə ASMK rəhbəri bildirib.
