...

ABB-nin avroistiqrazları müstəqil avroistiqrazlardan baha olacaq

Biznes və iqtisadiyyat xəbərləri Materials 20 İyun 2007 11:36 (UTC +04:00)

Azərbaycan, Bakı /müx. Trend Ü.İsmayılova/ Azərbaycan Beynəlxalq Bankının (ABB) avroistiqrazları Azərbaycan Maliyyə Nazirliyinin müstəqil avroistiqrazlarından 0,5-0,8 faiz baha olacaq. Bunu ABB avroistiqrazlarının yerləşdirilməsinə həsr olunmuş brifinqdə bankın İdarə Heyəti sədrinin müavini Vaqif Əkbərov deyib.

Onun sözlərinə görə, istiqrazlar London və Lyuksemburq birjalarında yerləşdiriləcək.

ABB-nin avroistiqrazları ABŞ şirkətləri üçün Reg S formatında buraxılacaq.

İstiqrazların müddəti 3-5 ildir. Buraxılış noyabrın əvvəlində gözlənilir.

Əkbərov qeyd edib ki, cəlb olunmuş vəsaitlər ölkə iqtisadiyyatının müxtəlif sektorlarına, əsasən qeyri-neft sektoruna aid prioritet layihələrin maliyyələşdirilməsi məqsədilə istifadə olunacaq.

Hazırda ABB tərəfindən lid-menecerlərə mandat məktubunun mətninin razılaşdırılması aparılır. Bundan sonra beynəlxalq və yerli hüquqşünasların təyinatı, habelə iştirakçı siyahısının razılaşıdrılması və paylanması planlaşdırılır.

Xəbər lenti

Xəbər lenti