Azərbaycan, Bakı/ Trend müxbir S.Əliyev/ Bu ilin sonuna qədər AZAL Dövlət Konserni Lənkərandakı (cənub regionu) aeroportun rekonstruksiyasını başa çatdırmaq niyyətindədir. Bu barədə bazar ertəsi Dövlət Konsernindən məlumat veriblər.
Yenidənqurma işlərıi 40 mln. dollar məbləğində dəyərləndirilir. Bu layihə üçün vəsaitlər dövlət büdcəsindən və AZAL-ın öz ehtiyatları hesabına ayrılır. Gələcəkdə aeroporta beynəlxalq hava limanı statusu verilməsi nəzərdə tutulur.
Daha öncə Dövlət Konserni Naxçıvan (Naxçıvan Muxtar Respublikası) və Gəncədəki (Qərb regionu) hava limanlarının rekonstruksiyasını həyata keçirib. Gələcəkdə Zaqatala (ölkənin şimal-qərb regionu) aeroportunun da yenidən qurulacağı gözlənilir.