Azərbaycan, Bakı / Trend müxbir İ.Xəlilova / Cümə günü Milli Bankın idarə heyətinin sədr müavini Aftandil Babayevin verdiyi məlumata görə, Azərbaycan Milli Bankı (AMB) 2007-ci ilin sonuna qədər sərəncamında olan valyuta ehtiyatlarının 3,5 mlrd. dollardan çox olacağını gözləyir. Hazırda AMB-nin valyuta ehtiyatları ilin əvvəlinin 1,967 mlrd. dollar göstəricisi ilə müqayisədə 2,835 mlrd. dollar səviyyəsində formalaşdırılıb.
Valyuta ehtiyatları Milli Bankın valyuta bazarına müdaxiləsi hesabına praktiki olaraq 900 mln. dollar artıb və 2007-ci ilin sonuna qədər bu göstərici 1,5 mlrd. dollara qədər artacaq. "Biz valyuta ehtiyatlarının artırılması məqsədlərini güdmürük, belə ki, ölkənin strateji valyuta ehtiyatları kifayət olan səviyyədə formalaşıb və 6 mlrd. dollardan çoxdur. Lakin bu Milli Bankın ölkədə makroiqtisadi sabitliyin dəstəklənməsinə yönəlmiş kurs siyasəti çərçivəsində baş verir" - deyə Babayev bildirib.
