Azərbaycan, Bakı/ Trend müxbir İ.Xəlilova/ Qeyri bank kredit təşkilatı SOA Credit (ötən ilə qədər Shore Overseas Azerbaijan adlanıb) yeni təsisçilərin cəlb olunması ilə bağlı danışıqları başa çatdırır. Bu barədə təşkilatdan xəbər verilib. Hazırda SOA Credit təşkilatının 100 faizli təsisçisi amerikanın Shorebank şirkətlər qrupuna daxil olan Shorebank International beynəlxalq konsaltinq firmasıdır.
SOA Credit təsisçiləri sırasında dəyişiklik iki-üç ay ərzində gözlənilir. "Hələ ki bir təsisçinin daxil olacağı gözlənilir. Lakin daha iki investor tərəfindən də maraq göstərilir ki, onlarla danışıqlar ilkin mərhələdədir", - deyə təşkilatdan bildiriblər.
SOA Credit investorlarının siyahısının genişləndirilməsi qeyri bank kredit təşkilatından banka transformasiya planlarından asılı olmayaraq baş verəcək. Bu səbəbdən SOA Credit hələ Azərbaycan Milli Bankına müraciət etməyib.
Hazırda SOA Credit nizamnamə kapitalı $2,5 mln. dollar təşkil edir. Nizamnamə kapitalı ABŞ-ın İnkişaf üzrə Beynəlxalq Agentliyinin (USAID) Shore Overseas Azerbaijan-ın fəaliyyət
ə başlamasının ilkin mərhələsində təqdim etdiyi qrant və toplanmış qrant vəsaitləri hesabına formalaşdırılıb. Təşkilatda hesab edirlər ki, yeni təsisçinin daxil olması və əlavə vəsaitlərinin qoyulması ilə SOA Credit təşkilatının kapitalı və kredit portfeli arasında fərq 5 dəfə artacaq. Hazırda bu fərq üç dəfədir (2,5 mln. dollar nizamnamə kapitalı və 8,2 mln. dollar kredit portfeli).