Azərbaycan, Bakı / Trend , müxbir S.Babayeva/ Dövlət Gömrük Komitəsindən verilən məlumata görə, yanvar-iyul ayları ərzində Azərbaycanın ticarət əməliyyatlarının həcmi 131 xarici ölkə ilə 6266384,7 min dollar təşkil edib.
Bu dövr ərzində əmtəənin 2030 növü üzrə ixrac 3395905,5 min dollar dəyərində həyata keçirilib, əmtəənin 6046 növü üzrə idxal olunan malların dəyəri 2870479,2 min dollar təşkil edib. Beləliklə, idxal-ixrac əməliyyatları üzrə 525426,2 min dollar həcmində müsbət saldo yaranıb.
2006-cı ilin eyni dövrü ilə müqayisədə ixrac əməliyyatlarının həcmi 3,19% (105030,3 min dollar) , idxal əməliyyatlarının həcmi 10,3% (261562,1 min dollar) artıb.
Azərbaycanda müvəqqəti ixrac rejimində 51374,8 min dollar həcmində ixrac, 183565,7 min dollar həcmində isə idxal həyata keçirilib.