Azərbaycan, Bakı / Trend , müxbir S.Əliyev/ Yanvar-avqustda Azərbaycanın quru ərazilərində işləyən birgə müəssisə (BM) və əməliyyat şirkətləri 789.7 min tona yaxın neft emal edib ki, bu da ötən ilin analoji dövrü ilə müqayisədə 1.3 faiz azdır. Bu barədə çərşənbə günü ARDNŞ-dan məlumat verilib. Avqustda BM və əməliyyat şirkətləri 100 min tondan bir qədər çox neft emalına nail olublar.
Yanvar-avqust aylarında ən çox neft emalı "Kürsəngi-Qarabağlı" müqavilə sahəsində fəaliyyət göstərən Salyan Oil əməliyyat şirkətinin payına düşür. Belə ki, şirkət bu müddət ərzində 212,2 min ton neft emal edib.
Ən az neft emalı Kura Valley ("Padar-Xarrami") əməliyyat şirkəti tərəfindən edilib - 34 ton.
2007-ci ilin yanvar-avqustunda BM və əməliyyat şirkətlərinin neft təhvili cədvəli (min tonla).
| Birgə müəssisə və əməliyyat şirkətləri | Avqust 2007 | yanvar-avqust 2007 |
| Salyan Oil | 26490 | 212341 |
| Shirvan Oil | 18165 | 145991 |
| OK Karasu | 21635 | 175370 |
| Azgerneft | 6169 | 47058 |
| Anshad Petrol | 4068 | 31425 |
| Qobustan | 252 | 2564 |
| Az.Seng-Li | 780 | 5560 |
| OK Binəqədi | 10022,484 | 78750,151 |
| OK Qaraçuxur | 971,910 | 6577,442 |
| OK Kura Valley | 34 | 279 |
| Suraxanı Oil Operation | 11942 | 83834 |
| Cəmi | 100 529,394 | 789749,593 |