Azərbaycan, Bakı / Trend / Budapeştdə cümə günü "Avropa üçün qaz: Yeni rəqabət, daşınmalar - NABUCCO-nun rolu" mövzusvunda Macarıstan hökuməti və Britaniyanın "Financial Times" qəzeti tərəfindən təşkil olunan beynəlxalq konfrans keçiriləcək.
Azərbaycanı bu görüşdə sənaye və enenrgetika naziri Natiq Əliyev təmsil edəcək və nazir məruzə ilə çıxış edəcək, nazirlikdən cümə axşamı verilən məlumatda belə deyilir. Tədbirə Macarıstanın baş naziri Ferens Durçan sədrlik edəcək.
Konfrans zamanı Əliyev Avropa İttifaqının energetika üzrə komissarı Andris Piebalqsla, Macarıstanın iqtisadiyyat və nəqliyyat naziri Yanoş Kokla, layihədə iştirak edən ölkələrin, həmçinin Danimarka, İtaliya və Almaniyanın energetika nazirləri ilə görüşlər keçirəcək.
