Azərbaycan, Bakı/ Trend müxbir A.Bədəlova/ "Citi Bank" beynəlxalq reytinq alınması üçün Azərbaycan Dövlət Neft Şirkətinin maliyyə məsləhətçisi rolunda çıxış edəcək. Bu barədə cümə günü ARDNŞ-in iqitisadi məsələlər üzrə vitse-prezidenti Süleyman Qasımov məlumat verib.
"Citi Bank" 2008-ci ildən xidmət göstərəcək.
ARDNŞ avrobondların buraxılışı üçün beynəlxalq reytinq almaq niyyətindədir.
"Beynəlxalq reytinq alınana və avrobondlar buraxılana qədər bizdə beynəlxalq maliyyə standartları tətbiq olunacaq" - deyə Qasımov bildirib.
ARDNŞ Beynəlxalq Maliyyə Hesabatı Standartlarına 2008-ci il yanvar ayının 1-dən etibarən keçməyi planlaşdırır. Bunun üçün "American Appraisal" şirkəti Azərbaycan Dövlət Neft Şirkətinin əmlakının və qeyri-maddi aktivlərinin yenidən qiymətləndirilməsini həyata keçirəcək.
