Azərbaycan, Bakı / Trend müxbir S.Əliyev/ Çərşənbə axşamı "Azərenerji" SC-nin vitse-prezidenti Marlen Əsgərovun verdiyi məlumata görə, səhmdar cəmiyyətinin müqavilə imzaladığı "İnter RAO EES" QSC-nin (Rusiyada elektrik enerjisinin idxal-ixracı ilə məşğul olan operator) yenidən təşkil olunduğu təqdirdə Rusiya və Azərbaycan arasında elektrik enerjisinin alış-satışına dair müqavilə yenidən imzalana bilər.
"RAO EES" QSC-nin səhmdarları inhisarın yenidən təşkil olunması və 2008-ci ilin yayına qədər yenidən formalaşdırılmasının lehinə səs veriblər. Səhmdarların 95%-i yenidən formalaşdırmanın lehinə, yalnız 3%-i isə əlehinə səs verib. Digərləri isə bitərəf qalıb.
Əsgərov bildirib ki, tərəflərin iradı olmadığı təqdirdə elektrik enerjisinin qarşılıqlı sürətdə nəqlinə dair müqavilənin şətrlərinə uyğun olaraq müqavilə uzadılacaq.
"Müqavilənin imzalandığı orqanın yenidən formalaşdırılacağı təqdirdə müqavilənin yenidən imzalanmasına ehtiyac yaranacaq" - deyə SC-nin vitse-prezidenti bidirib.
2007-ci ildə Rusiyadan Azərbaycana elektrik enerjisi idxalı 2006-cı ildə tətbiq olunmuş tariflərə uyğun olaraq həyata keçirilir, yəni 1 kilovatt saat üçün 3,636 sent.
Rusiyanın energetika sahəsində həyata keçiriləcək islahatlar özəl investorların enerji istehsal edən şirkətlərə çıxışının təmin edilməsi və energetikanın bir sıra sahələrində dövlət inhisarının möhkəmləndirilməsini nəzərdə tutur.