Azərbaycan, Bakı, 16 fevral / " Trend ", müxbir V.Şərifov / Azərbaycan Dövlət Neft Şirkəti Bakı-Novorossiysk boru kəməri ilə neft ixracını bərpa edib. Boru kəməri ilin əvvəlində "Transneft" şirkəti ilə fikir ayrılığı səbəbindən bağlanıb. "Transneft" şirkəti ARDNŞ-ə neftin nəqli haqqında qüvvədə olan nəqliyyat müqaviləsinin şərtlərinə yenidən baxılması məqsədilə, onun ləğv edilməsini təklif edib.
"Fevralda Novorossiysk limanından 83 min ton həcmində neft partiyası satacağıq" - şənbə günü ARDNŞ nümayəndəsi deyib. Neftin tanker partiyası tenderdə İsrail treyderi "ORL"a satılıb, o, fevralın 28-29-da Novorossiyks limanının N2 yanalma körpüsündən yüklənəcək.
ARDNŞ nümayəndəsinin sözlərinə görə, Azərbaycan Dövlət Neft Şirkəti və Rusiyanın "Transneft" boru kəməri inhisarçısı hazırki mərhələdə qüvvədə olan nəqliyyat müqaviləsi üzrə işləməyi razılaşdırıblar.
"Transneft"lə danışıqlar davam edəcək" - fevralda Bakı-Novorossiysk boru kəmərinin Azərbaycan hissəsinin operatorluğunu alan Dövlət Neft Şirkətinin nümayəndəsi deyib.
Hazırda qüvvədə olan nəqliyyat razılığı 1997-ci ildə "Transneft" və "Azəri-Çıraq-Günəşli" yatağında yüngül neft hasil edən Azərbaycan Beynəlxalq Əməliyyat Şirkəti (ABƏŞ) arasında bağlanıb. Razılığın yenidən bağlanması məsələsi "Transneft" tərəfindən, 2007-ci ildə razılıq şərtlərinə rəhbərlik edən ABƏŞ-in ARDNŞ xeyrinə razılığa dair öz hüquq və vəzifələrini verməsi haqqında "Transneft" rəhbərliyinə bildirişindən sonra qaldırılıb.
Daha əvvəl "Transneft" şirkəti ilə fikir ayrılığı və Bakı-Novorossiysk boru kəməri ilə neft nəqlindən imtina edilməsi səbəbindən ARDNŞ Dübəndi terminalından (Bakıdan 47 km-da yerləşir) dəmir yolu ilə Gürcüstanın Batumi Qara dəniz limanına neft ixracına hazırlaşıb. Terminalda neftin dəmir yolu sisternlərinə doldurulması üçün ARDNŞ Dubayın "Middle East Petrol" tərəfindən istifadə edilən estakadalardan faydalanmağı planlaşdırıb.
Dövlət Neft Şirkəti hər il Bakı-Novorossiysklə $15,67/t tarifi ilə quru və dəniz yataqlarında şəxsi vəsaiti hesabına hasil edilən orta hesabla 2-2,5 mln. ton Azərbaycan nefti, həmçinin birgə müəssisələrin və xarici kapital iştirakı olan əməliyyat şirkətlərinin onşor sahələrdə istehsal edilən xammal nəql edilir.
Müəlliflə əlaqə saxlamaq üçün elektron ünvan - Vagif