Azərbaycan, Bakı, 22 fevral/ Trend , müxbir İ.Xəlilova/ Azərbaycanın neft-qaz sahəsində işləyən bir neçə servis şirkəti Azərbaycan İxrac və İnvestisiyaların Təşviqi Fondunun (AZPROMO) Aktauda yerləşən nümayəndəliyi vasitəsilə, Qərbi Qazaxıstan bazarına çıxmaqda maraqlı olduqlarını bildiriblər. Bu barədə cümə günü nümayəndəliyin rəhbəri Elşən Qurbanov məlumat verib.
"Hazırda "BOS Shelf", "AzFen" şirkətləri, gəmi təmiri şirkəti və bizim bazarda əsas oyunçular qərbi Qazaxıstan bazarında təmsil olunublar və onlar işləməyə səy göstərirlər". Bizim servis şirkətlərimiz Azərbaycanda hansısa müəyyən layihələrin başa çatması nəticəsində Qazaxıstan bazarında iş tapa bilərlər", - Kurbanov qeyd edib
Onun sözlərinə görə, bu, AZPROMO-nun Azərbaycan şirkətlərinə Qazaxıstan bazarına daxil olmağa yardım etmək niyyətində olduğu sahədir. Bu şirkətlər qazaxıstanlı tərəfdaşları ilə birgə iş üçün Anlaşma memorandumları bağlayıblar və gələcəkdə böyük layihələrdə iştirak edə bilərlər.
Hazırda onlar hüquqi rəsmiləşdirmə (lisenziyanın alınması, fəaliyyətin qanuniləşdirilməsi) keçirlər, bəziləri isə artıq bu mərhələni keçiblər. Servis şirkətləri "Kaşağan" neft yatağının işlənilməsi üzrə layihələrdə tender və birgə işlərdə iştirak üzrə danışıqlar aparırlar.
"Bizim vəzifəmiz Azərbaycan və Qazaxıstanın servis şirkətləri arasında körpü yaratmaqdır. Orada onlar qazaxıstanlı tərəfdaşları vasitəsilə yerli layihələrdə iştirak edə bilərlər. Sonra isə, bu şirkətlərin kommersiya məsələlərinə çevrilir. Bu planda AZPROMO-nun onların kommersiya işinə daxil olmaq üçün nə hüquqi, nə mənəvi, nə də fiziki haqqı yoxdur", - Kurbanov bildirib.
Ölkə sərhdələrindən kənarda həyata keçirilən regionlar layihələrdə iştirak üçün vergi güzəştlərinin verilməsi üzrə BOS Shelf və Mearsk şirkətlərinin Azərbaycan hökumətinə müraciətləri əsasında, artıq müvafiq qanunvericilik hazırlanıb.
PSA müqavilələri əsasında fəaliyyət göstərən, bu və digər şirkətlərin fəaliyyətinə xüsusi vergi rejimi tətbiq edilir. Azərbaycandakı layihələr üzrə fəaliyyətlərinin başa çatması üzrə onlar Qazaxıstandan sifariş alırlar. Şirkətlər Azərbaycan sərhədlərindən kənara çıxdıqda belə, Azərbaycan qanunvericiliyinə - həm gömrük, həm də vergi qanunvericiliyinə riayət etməlidirlər.
Bu şirkətlərin ştatı böyükdür və firmalar, işçilərin saxlanılması ilə, Azərbaycan qanunvericiliyi çərçivəsində fəaliyyət göstərərək, əcnəbi dövlətlərdən sifarişlər almaq üçün müraciət edirlər. Ölkə hökuməti, ilk növbədə, sosial məsələlərə görə, bu təkliflə razılaşıb.
PSA tipli müqavilələr üzrə həyata keçirilən sifarişlər çərçivəsində, neft-qaz şirkətləri layihələrdən asılı olaraq mənfəət vergisi, əgər subpodratçıdırlarsa mənbədən vergi ödəyirlər. Bundan əlavə bu şirkətlər tərəfindən gəlir vergisi ödənilir.
Məqalə müəllifinin ünvanı: [email protected]