Azərbaycan, Bakı, 19 mart / Trend , müxbir A.Bədəlova/ ABŞ-ın üçüncü ən böyük bankı "JP Morgan" neftə olan dünya tələbatının 1,2 mln. barel artaraq 2007-ci ildəki 85,5 mln. barelə qarşı 2008-ci ildə 86,7 mln. barel olacağını proqnozlaşdırıb.
"JP Morgan"ın Baş Ofisindən çərşənbə günü verilən məlumata görə, ABŞ-da 2008-ci ilin ikinci rübündə neft tələbat birinci rüblə müqayisədə 1 faiz azalacaq.
Bankın proqnozlarına görə, İqtisadi Əməkdaşlıq və İnkişaf Təşkilatına (İƏİT) daxil olmayan ölkələrdə neftə tələbat 2007-ci ilin gündəlik 36,4 mln. barelinə qarşı bu il gündə 1,3 mln.bareldən 37,7 mln. barelə qədər artacaq.
İƏİT-ə daxil olan ölkələr isə 2008-ci ildə gündə 49 mln. barel neft istifadə edəcək ki, bu da 2007-ci ildəki istifadədən 0,1mln. barel (0,21 faiz) azdır.
Bankın proqnozlarına görə, OPEK-ə daxil olmayan ölkələrə neft tədarükü 2008-ci ildə gündə 47,8 mln.barel təşkil edəcək.
Müəlliflə əlaqə ünvanı: [email protected]