Azərbaycan, Bakı, 05 aprel / Trend / Yanvar-mart aylarında Azərbaycan Dövlət Neft Şirkəti (ARDNŞ) 54928 metr həcmində qazma işi həyata keçirib. Bu barədə ARDNŞ-dan məlumat verilib. Bu iş həcmi proqnozlaşdırılandan 5383 metr, ötən ilin analoji dövr göstəricisi ilə müqayisədə isə 7509 metr çoxdur. Mart ayında yataqlarda 19823 metr qazma işi aparılıb.
Yanvar-mart ayları ərzində istismar qazmalarının həcmi 53112 metr təşkil edib. Bu həcm analoji dövr üçün proqnozlaşdırılandan 5027 metr və ötən ilin eyni dövr göstəricilərindən 7684 metr çoxdur. Mart ayında istismar qazmaları 19339 metr təşkil edib.
Kəşfiyyat qazmaları yanvar-mart ayları ərzində 1816 metr təşkil edib. Bu, proqnozlardan 356 metr çoxdur və ötən ilin analoji dövr göstəricilərindən isə 175 metr azdır. Mart ayında kəşfiyyat qazmaları 484 metr təşkil edib.
