Azərbaycan, Bakı, 05 aprel / Trend / Yanvar-mart aylarında Azərbaycan Dövlət Neft Şirkəti (ARDNŞ), əməliyyat şirkətləri (ƏŞ) və birgə müəssisələr (BM) ölkənin affşor və anşor yataqlarından 16,2 mln. barel neft (2,2 mln. ton) hasil edib ki, bu da 2007-ci ilin analoji dövr göstəricisindən 167 min barel azdır. Bu barədə ARDNŞ-dan məlumat verilib.
ARDNŞ-ın Neft-Qaz Hasilatı İdarələrinin (NQHİ) dənizdə və quruda neft hasilatı yanvar-mart aylarında 13,2 mln. bar. (1,8 mln. ton) təşkil edib. Bu həcm ötən ilin analoji dövr göstəricisindən 101 min bar. azdır. Yanvar-mart aylarında xarici şirkətlər ƏŞ və BM çərçivəsində 2,3 mln. bar. neft (308 tıs. ton) hasil edib ki, bu da 2007-ci ilin analoji dövr göstəricisindən 66 min bar. azdır.
Proqnozlara əsasən, cari ildə ARDNŞ, BM və ƏŞ-i 64 mln. bar. (8,7 mln. tonn) neft hasil edəcək. Bu həcmin 55 mln. bar. (7,4 mln. ton) ARDNŞ NQHİ, 9,55 mln. bar. (1,3 mln. ton) isə BM və ƏŞ-nın payına düşəcək.
Yanvar-mart aylarında Azərbaycanda ümumi qaz hasilatı 1,9 mlrd. kubmetr təşkil edib ki, bu da 2007-ci ilin analoji dövr göstəricisindən 572,4 mln. kubmetr çoxdur. Bu həcmin 1,87 kubmetri ARDNŞ NQHİ-nın payına düşüb ki, bu da 2007-ci ilin analoji dövr göstəricilərindən 582 mln. kubmetr çoxdur. BM və ƏŞ bu dövr ərzində 32 mln. kubmetr qaz hasil edib. Bu həcm 2007-ci ilin eyni dövr göstəricilərindən 9,2 mln. kubmetr azdır.
Azərbaycan Beynəlxalq Əməliyyat Şirkəti (ABƏŞ) yanvar-mart aylarında "Azəri-Çıraq-Günəşli" yatağından ARDNŞ üçün 428,3 mln. kubmetr səmt qazı hasil edib ki, bu da ötən ilin göstəricilərindən 302,5 mln. kubmetr azdır. Proqnozlara əsasən, 2008-ci ildə ARDNŞ NQHİ 7,850 mlrd. kubmetr, BM və ƏŞ isə 150 mln. kubmetr qaz hasil edəcək. Azərbaycan "Şah Dəniz" yatağından 2,9 mlrd. kubmetr qaz əldə edəcək. ABƏŞ bu il Azərbaycana 1,4 mlrd. kubmetr qaz təhvil verəcək.
Azərbaycanda 57 neft-qaz yatağı mövcuddur. Onlardan 18-i dənizdə, digərləri isə quruda yerləşir. Bu gün ARDNŞ-ın əməkdaş qərargahı 63 min nəfərdən ibarətdir.
Cəri ildə Azərbaycanda neft və qaz hasilatı üzrə cədvəl bu şəkildədir:
| Neft(min ton) | Mart | Yanvar - mart | ||
| 2008 | 2008 | 2007 | % | |
| Cəmi | 739,95 | 2168,23 | 2190,90 | 99,0 |
| ARDNŞ NQHİ | 632,67 | 1860,04 | 1873,75 | 99,3 |
| BM və ƏŞ | 107,28 | 308,19 | 317,15 | 97,2 |
| Qaz(mln. m3) | ||||
| Cəmi | 661,32 | 1908,15 | 1335,78 | 142,8 |
| ARDNŞ NQHİ | 650,90 | 1876,46 | 1294,87 | 144,9 |
| BM və ƏŞ | 10,42 | 31,69 | 40,91 | 77,5 |
