Azərbaycan, Bakı, 06 may/ Trend , müxbir S.Ağayeva/ Yaxın vaxtlarda İsrail Azərbaycan qazının idxalına başalaya bilər. İki ölkə ekspertləri arasında artıq bu mövzuda danışıqlar aparılır və yaxın vaxtlarda İsrail Azərbaycan qazının alınmasına başlaya bilər. Bu barədə İsrailin Azərbaycandakı səfiri Artur Lenk çərşənbə axşamı jurnalistlərə məlumat verib.
İsrail indiyədək Azərbaycan neftini alıb. İndi isə, İsrailin Milli İnfrastruktur Nazirliyi təbii qazın alınmasına dair danışıqlar aparır.
Nazirlik hazırda Britaniya, Rusiya, Azərbaycan, Qazaxıstan və Türkmənistanla qaz tədarükü ilə bağlı danışıqlar aparır.
Azərbaycan qazı "Şahdəniz" (operator BP) yatağından hasil edir. Azərbaycanın özü, Gürcüstan və Türkiyə qazın alıcıları kimi çıxış edirlər. Qaz Cənubi Qafqaz boru kəməri ilə tədarük edilir. Qaz İsrailə Türkiyə vasitəsilə nəql edilə bilər. Botas şirkəti burada, Ərzurumdakı (Gürcüstan sərhədi yaxınlığında) qazpaylayıcı qovşağda "Şahdəniz" yatağından hasil edilmiş qazı qəbul edir.
Müəlliflə əlaqə saxlamaq üçün elektron ünvan: [email protected]
