Azərbaycan, Bakı, 03 iyun / Trend , A.Bədəlova/ 2008-ci ilin sonunadək Rusiyanın "LUKOYL" Neft Şirkəti Azərbaycanda dördədək yanacaqdoldurma stansiyası əldə edəcək. Bu haqda "LUKOYL-Azərbaycan" MMC-dən çərşənbə axşamı bildirilib.
Hazırda şirkət Bakı, Sumqayıt, həmçinin, Azərbaycanın regionlarında - Göyçay, Qusar və Salyanda 26 yanacaq doldurma kompleksinə malikdir.
Azərbaycanda YDM-nin alınması Xətai rayonunda yerləşən "LUKOYL" neft bazasının iş stabilliyini təmin etmək məqsədilə həyata keçirilir. 120 min ton yük dövriyyəsi olan neft bazası neft məhsullarını bilavasitə Heydər Əliyev adına NEZ-dən alır. 10 çən eyni zamanda beş növ neft məhsulu (avtobenzin Aİ-95, Aİ-93, A-76, dizel yanacağı və açıq ağ neft) qəbul edə və buraxa bilər.