Azərbaycan, Bakı, 24 iyun/ Trend / "Ekol Muhəndislik Xidmətləri" QSC Azərbaycan Dövlət Neft Şirkətinin "Azneft" Istehsalat Birliyi ilə imzalanmış saziş çərçivəsində "Bibiheybət" neft-qaz çıxarma idarəsinin 11,7 ha neftlə çirklənmiş torpağını rekultivasiya edib və yararlı vəziyyətə gətirib. Bu barədə ARDNŞ -nin çərşənbə axşamı yayılan məlumatında deyilir.
Hazırki vaxtdadək (işlər mayın 1-dən başlanılıb) QSC tərəfindən emal qurğusunun qəbul hövzəsinə sahədən toplanmış 18124 kubmetr neft şlamı gətirilib.
Əvvəllər ARDNŞ "Bibiheybət" neft mədənində və Heydər Əliyev adına Bakı Neft Emalı Zavodunun sexlərindən birinin ərazisində neft şlamının təmizlənməsi üçün yeni avadanlıq istismara verib. Bu modulların yardımı ilə saatda 30 kubmetr neft şlamının təmizlənməsi, sonra isə ayrılması mümkündür.
Alfa-Laval şirkətinin istehsalı olan quraşdırılan avandalıq (ikifazalı modul dekanterləri) "Ekol Muhəndislik Xidmətləri" QSC-nin əcnəbi təsisçisinin sərmayələri hesabına alınıb. QSC-nin təsisçiləri aşağıdakılardır: ARDNŞ - 51 faiz, Lancer S.A. Services - 49 faiz.
Ekol Muhəndislik Xidmətləri QSC Abşeron yarımadasında mövcud ekoloji problemlərin həlli məqsədilə, 2006-cı il martın 1-də yaradılıb.
Muzey Bakı şəhərinin Səbail rayonunda, "Azneft" İstehalat Birliyinin "Bibiheybət" neft-qazçıxarma idarəsinin neftdən təmizlənmiş və rekultivasiya edilmiş 45 ha sahədə yerləşəcək.
Layihə açıq və qapalı muzey kompleksi zonalarının tikintisini nəzərdə tutur. Açıq zonada sərgi qalereyaları, uşaq muzeyi və İnternet klub, bir neçə kafe, suvenir mağazaları, iclas zalları, elmi-tədqiqat mərkəzi, kitabxana, ARDNŞ -nin mərkəzləşdirilmiş arxivi, qonaq evi yerləşəcək. Qapalı zonaya muzeyin binası daxildir. Açıq zonada isə, səkkiz park və avtomobil dayanacağından ibarət kompleksin tikintisi planlaşdırılıb.
Yeni muzeyin tikintisində beynəlxalq konstruksiya standartlarına müvafiq yüksəkkeyfiyyətli material və avadanlıqdan, yeni texnologiya və innovasiyalardan istifadə edilməsi nəzərdə tutulur.
