...

Azərbaycan MDB - də ən iri buxar-qaz qurğusunu noyabr-dekabrda istismara verməyi planlaşdırır

Energetika Materials 22 İyul 2008 18:38 (UTC +04:00)

Azərbaycan, Bakı, 22 iyul/ Trend , müxbir E.İsmayılov/ Sumqayıtdakı yeni 517 MVt gücündə olan vəMDB-də ən iri buxar-qaz qurğusu noyabrın sonu-dekabrın əvvəlində istismara veriləcək. Bu barədə çərşənbə axşamı "Azərenerji" Səhmdar Cəmiyyətinin vitse-prezidenti Marlen Əsgərov məlumat verib.

Yeni qurğunun tikintisi üzrə işlər başa çatıb və hazırda avadanlığın işə salınması aparılır.

"Azərenerji" SC-nin mütəxəssislərinin qiymətləndirmələrinə əsasən, Sumqayıtda tikilən yeni elektrik stansiyasının illik istehsal gücü 3,8 mlrd. kVt/s təşkil edəcək. 517 MVt gücündə bu buxar-qaz qurğusunun yanacağa tələbatı 630 mln. kubmetr qaz olacaq (bir saatlıq -100 min kubmetr). 1 kVt/s elektrik enerjisinin istehsalına çəkilən xərclər 230 qram şərti yanacağa bərabərdir.

Qurğunun tikinti layihəsinin dəyəri 257 mln. avro qiymətləndirilir və onun maliyyələşdirilməsi üzrə müqavilə Bayern LB bank (Almaniya), Societe de General (Fransa) və BNP Paribas (Fransa) arasında imzalanıb. Hər üç bank libor+0,55 kredit dərəcəsi altında 15 il müddətinə (ilk üç il güzəştli) bərabər payda kredit ayırırlar. Bu layihə çərçivəsində, 107 km yüksəkvoltlu elektrik ötürücü xətlərin tikintisi də nəzərdə tutulur. Bundan əlavə, elektrik stansiyasına qazın verilməsi üçün qaz kəməri tikilib. Onun dəyəri 30 mln. avro qiymətləndirilir.

"Azərenerji" SC Sumqayıtda buxar-qaz elektrik stansiyasının tikintisinə dair Almaniyanın Siemens şirkəti ilə müqavilə bağlayıb. Müqavilə Sumqayıt elektrik stansiyası ərzisində 517 MVt gücündə buxar-qaz qurğusunun "açar altında" tikintisini nəzərdə tutur.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti