Azərbaycan, Bakı, 25 iyul/ Trend / Bu günədək Azərbaycanın yeraltı qaz anbarlarına 800 mln. kubmetr təbii qaz vurulub. Bu barədə cümə günü hökumətdən məlumat veriblər. Qazın anbarlara vurulması cari ilin oktyabrınadək həyata keçiriləcək.
800 mln. kubmetr həcmin 380 mln. kubmetri payız-qış dövründən qaz anbarlarında qalan qazdır. Qaz payız - qış dövründə istifdə edilmək üçün anbarlara vurulur.
Qaz anbarlarına ümumilikdə təqribən 1 mlrd. kubmetr qaz vurulacaq. Ötən il yeraltı qaz anbarlarına 1 mlrd. kubmetrdən çox qaz vurulub. Bu qaz həcmindən 2007-2008 - ci illərin payız-qış dövründə abunəçilərin təminatı üçün istifadə edilib. 2006 -2007- ci illərdə qaz anbarlarına 1,024 mlrd. kubmetr qaz vurulub.
Azərbaycanda iki yeraltı qaz anbarı var - Qaradağ və Qalmaz.
