Azərbaycan, Bakı, 29 iyul/ Trend / 2007-ci ildə Azərbaycanda neftin istehlakı sutkada 120 min barel təşkil edib. 2006-cı ildə bu rəqəm sutkada 126 min barel olub. Bu barədə İtaliyanın ENİ neft-qaz şirkətinin "Dünyada neft və qaz - 2008" hesabatında bildirilir.
1996-cı ildə neftin istehlakı sutkada 111 min barel, 1997-ci il - 106 min barel, 1998 - 111 min barel, v 1999 - 107 min barel, 2000 - 119 min barel, 2001 - 77 min barel, 2002 - 74 min barel, 2003 - 90 min barel, 2004 - 88 min barel, 2005 - 107 min barel təşkil edib.
Dünyada neftin istehlakına görə birinci yeri sutkada 21,2 mln. barel həcmlə ABŞ tutur. 2006-cı ildə bu rəqəm 21,04 mln. barel olub.
ENİ Qazaxıstanda neftin istehlakını sutkada 146 min barel qiymətləndirir. 2006-cı ildə bu rəqəm sutkada 153 min barel olub.
İran 2007-ci ildə sutkada 1,8 mln. barel neft istehlak edib (2006-cı ildə 82 min barel).
2007-ci ildə Türkmənistanda istehlak 2006-cı ildə 99 min barelə qarşı 94 min barel təşkil edib.
Ötən il Rusiyada neftin istehlakı 2006-cı ildə 2,9 mln. barelə qarşı 2,8 mln. barel təşkil edib.
