Azərbaycan, Bakı, 18 sentyabr/ Trend , müxbir E.İsmayılov/ Türkiyənin Petkim neft-kimya Holdinqi layihəsi çərçivəsində kreditlər üzrə bütün borcların qaytarılması və bu müəssisənin beynəlxalq maliyyə institutlarının hazırladığı biznes - plana müvafiq mənfəətliliyə çıxışının 2020 - ci ildə olacağı gözlənilir, -Azərbaycanın Dövlət Neft Şirkətinin nümayəndəsi bildirib.
SOCAR/Turcas/Injaz Projects şirkətləri Alyansı Petkim kimya konserinin satışa çıxarılmış 51 faizlik səhm paketinə görə $2,04 mlrd təklif edərək tenderin qalibi olub.
Hazırda Türkiyə lazımi kimya məhsullarının 70 -75 faizini idxal edir. SOCAR/Turcas/Injaz-ın Petkim -in inkişafına sərmayələri məhsul idxalını 30 faizədək azaltmağa imkan verəcək. Hər il Türkiyə bazarında kimya məhsullarına təlabat 12 faizədək artır.
Petkim Petrokimya Holding Petkim plastik qablaşdırmalar, parçalar, PVC, yuyucu vasitələr istehsal edir və Türkiyədə belə məhsulların yeganə istehsalçısıdır. Şirkət məhsullarının dörddə birini ixrac edir.
ARDNŞ, müəssisənin xammalla təchizatı üçün neft emalı zavodu tikmək niyyətindədir. Tikinti işlərinə 4 ilədək vaxt tələb olunacaq. Dünya təcrübəsinə əsasən, NEZ-in tikintisi üçün lazım olan sərmayələr $4-5 mlrd. qiymətləndirilir.
Müəlliflə əlaqə saxlamaq üçün elektron ünvan: [email protected]