...

Ukrayna hökuməti Odessa – Brodı neft kəmərindən ağır neftin çəkilməsinə yol verməyəcək – Baş nazir

Energetika Materials 24 Sentyabr 2008 18:17
Ukrayna hökuməti Odessa – Brodı neft kəmərindən ağır neftin çəkilməsinə yol verməyəcək – Baş nazir

Trend-i buradan izləyin

Azərbaycan, Bakı, 24 sentyabr/ Trend , müxbir A.Bədəlova/ "Ukrayna hökuməti ağır texniki neftin Odessa - Brodı neft kəmərindən çəkilməsinə yol verməyəcək", - Ukrayanın Baş naziri Yuliya Timoşenko çərşənbə günü "Vesti" telekanalının birbaşa efirində yayımlanan mətbuat konfransında bildirib.

Onun sözlərinə görə, hökumət Odessa - Bordı layihəsinin başa çatdırılmasına cəlb oluna biləcək ölkələrlə danışıqlar aparır.

"Biz prezident katibliyinin Odessa-Brodı neft kəmərinin doldurulduğu $300 mln.-luq ağır texniki nefti çəkmək və boru kəmərini, demək olar ki, neftsiz saxlamaq üçün başladığı proqrama heç zaman yol verməyəcəyik", - o bildirib.
  Əvvəllər Ukrayna prezidentinin katibliyi Nazirlər Kabinetini Odessa-Brodı neft kəmərinin revers rejimdən avers iş rejiminə keçirilməsi prosesini yubatmaqda ittiham edib. Öz növbəsində ,Baş nazir bəyan edib ki, bu neft kəmərindən avers rejimdə istifadə katibliyin prezidenti Viktor Baloqanın iş adamı İqor Kolomoyski ilə sövdələşməsidir.

"Odessa - Brodıdan isitfadədə iştirak edə biləcək ölkələrin hökumətləri ilə bütün razılaşmalar imzalananadək və neft kəmərindən düzgün - avers istiqamətdə istifadənin təmin edilməsinə dair uzunmüddətli müqavilələr bağlananadək heç bir halda ağır neftin boru kəmərindən çəkilməsinə imkan verməyəcəyəm", - Timoşenko bildirib.

"İş gedir və düşünürəm ki yaxın vaxtlarda başa çatacaq", - o əlavə edib.

Ukrayna 2002 -ci ildə 674 kilometrlik Odessa - Brodı neft kəmərinin tikintisini başa çatdırıb. Marşrut Ukraynanın qərb sərhədi istiqamətində 14 mln. tonadək neft nəql etməyə imkan verirdi. 2004 - cü ilin ortalarında "Ukrtransnafta" və "TMŞ- BP" üç il müddətinə marşrutdan revers istiqamətdə istifadə haqqında saziş imzalayıblar. Saziş hər il Odessa Qara dəniz limanı rayonundakı "Yujnı" dəniz neft terminalı istiqamətində 9 mln. ton neftin nəqlini nəzərdə tuturdu.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti