Azərbaycan, Bakı, 22 oktyabr/ Trend / Əbu-Dabi Beynəlxalq Neft İnvestisiya Şirkəti (BNİŞ) OMV-nin Səhmdar Cəmiyyətində öz payını 17,6 faizdən 19,2 faizədək artırıb, - OMV-nin çərşənbə günü yayılan məlumatında bildirilir. Oktyabrın 15-dən OMV-nin 57 485 686 səhmi İnvestisiya Şirkətinə məxsusdur.
Bu dəyişiklik O MV-nin iki əsas səhmdarı -- Avstriyanın Osterreichische Industrieholding AG (OIAG) şirkəti və Əbu -Dabi Beynəlxalq Neft İnvestisiya Şirkəti arasında bağlanan konsorsium müqaviləsinə əsasən həyata keçirilib İndi OIAG və BNİŞ OMV-nin 151 985 676 səhminə (50.7%) malikdirlər/
OMV Səhmdar Cəmiyyəti təxminən 7 mlrd. dollar bazar kapitalizasiyası ilə Avstriyanın ən böyük sənaye şirkətidir. OMV ildə 13 mlrd. kubmetr qaz satır.
Şirkət təxminən 1,22 mlrd. barel neft və qaz ehtiyatları, 321 min barel civarında gündəlik hasilat və illik 26,4 milyon ton emal həcmi ilə Mərkəzi Avropada ən böyük neft - qaz Qrupuna çevrilib. OMV-in 13 ölkədə 2,538 yanacaqdoldurma məntəqəsi var.
Türkiyənin Petrol Ofisi şirkətinin səhmlərinin 40,19 faizi də OMV-yə məxsusdur.
