OPEK kartelə daxil olmayan ölkələrdən neft tədarükü üzrə proqnozları azaldıb
Azərbaycan, Bakı, 27 oktyabr/ Trend ,müxbir A.Bədəlova/ 2008-ci ildə OPEK-ə daxil olmayan ölkələrdən tədarük edilən neftin həcmi sutkada 510 min barel artımla orta hesabla sutkada 49,94 mln. barel təşkil edəcək, kartelin rəsmi saytında yerləşdirilmiş məruzədə bildirilir. Bu göstərici OPEK-in əvvəllər proqnozlaşdırdığı həcmdən 70 min barel azdır. Cari ilin dördüncü rübündə bu dövlətlərdən neft tədarüklərinin həcmi sutkada 50,96 mln. barel təşkil edəcək.
OPEK-in proqnozlarına əsasən, cari ildə İqtisadi Əməkdaşlıq və İnkişaf Təşkilatına (İƏİT) üzv ölkələrdən tədarük edilən neftin həcmi sutkada orta hesabla 19,93 mln. barel təşkil edəcək ki, buda 2007-ci illə müqayisədə 220 min barel azdır. 2008-ci ilin dördüncü rübündə bu ölkələrin tədarük etdikləri neftin həcmi 20,3 mln. barelə çatacaq.
OPEK-in yeni proqnozlarına əsasən, ABŞ-dan tədarük sutkada 190 min barel olmaqla 7,69 mln. barelədək artacaq.
2008-ci ilin dördüncü rübündə inkişafda olan ölkələrdən neft tədarükünün həcmi sutkada 11,58 mln. barel təşkil edəcək. Bu dövlətlərdən tədarük edilən neftin həcmi orta hesabla sutkada 360 min barel olmaqla sutkada 11,28 mln. barelədək artacaq.
OPEK 2009-cu ildə dünyada neftə tələbatın sutkada 900 min barel olmaqla sutkada 87,7 mln. barelədək artacağını proqnozlaşdırır. Dünyada neftə tələbatın artımı əsasən, İƏİT-ə daxil olmayan ölkələrin hesabına sutkada 1,2 mln. barel artımla təmin olunacaq.
Kartel 2008-ci ildə neftə tələbatını sutkada 100 min barel azaldıb. Yeni proqnozlara əsasən, cari ildə dünyada neftə tələbat sutkada 900 min barel artımla sutkada 86,8 mln. barel təşkil edəcək.
2008-ci ildə OPEK ölkələrində neftə tələbat sutkada 32 mln. barel təşkil edəcək ki, bu da 2007-ci il üzrə tələbatdan 160 min barel çoxdur. Kartelin proqnozlarına əsasən, cari ilin dördüncü rübündə OPEK-ə üzv dövlətlərdə neftə tələbat sutkada 32,5 mln. barel təşkil edəcək. 2009-cu ildə OPEK ölkələrində neftə tələbat sutkada 670 min barel olmaqla 31,3 mln. barelədək azalacaq. Gələn ilin birinci rübündə OPEK ölkələrində neftə tələbat sutkada 31,2 mln. barel, ikinci rübdə - 30,3 mln. barel, üçüncüdə - 31,1 mln. barel, dördüncüdə - 32,7 mln. barel təşkil edəcək.
Müəlliflə əlaqə saxlamaq üçün elektron ünvan: с[email protected]
