Azərbaycan, Bakı, 05 noyabr/ Trend / Yanvar - oktyabr ərzində "Azerenerji" SC tərəfindən ötən ilin analoji dövrünün 17,4 mlrd. kVt/saatına nisbətdə təqribən 17,3 mlrd. kVt/saat elektrik enerjisi istehsal olunub. Bu barədə SC - nin mətbuat xidmətindən məlumat verilib.
On ay ərzində istehsal olunan elektrik enerjisinin ümumi həcmindən 15,3 mlrd. kVt/saatı istilik -elektrik stansiyaları və təqribən 2 mlrd. kVt/saatı isə, su - elektrik stansiyalarının payına düşüb.
Oktyabr ərzində 1,6 mlrd. kVt/saatdan çox elektrik enerjisi istehsal olunub və qonşu ölkələr olan Rusiya, İran və Gürcüstan ilə elektrik enerjisi mübadiləsi davam etdirilib. Oktyabrda istehsal olunan elektrik enerjisinin 1,5 mlrd. kVt/saatı istilik elektrik stansiyalarının, 0,1 mlrd. kVt/saatı su - elektrik stansiyalarının payına düşüb.
